ເຄືອຂ່າຍພັດທະນາ, ສົ່ງເສີມ ແລະ ຄຸ້ມຄອງຈຸດຫມາຍປາຍທາງການທ່ອງທ່ຽວ (Destination Management Network – DMN) ແມ່ນກົນໄກການຮ່ວມມືລະຫວ່າງພາກລັດ ແລະ ພາກທຸລະກິດໃນຂະແຫນງການທ່ອງທ່ຽວ, ໄດ້ຮັບການສະຫນັບສະຫນູນຈາກບັນດາໂຄງການ ແລະ ອົງການຈັດຕັ້ງສາກົນໃນຂະແຫນງການທ່ອງທ່ຽວ.
ເຄືອຂ່າຍໄດ້ຄັດຈ້ອນເອົາກິດຈະກຳຫລັກຂອງແຕ່ລະພາກສ່ວນ ເພື່ອບັນຈຸເຂົ້າໃນແຜນກິດຈະກຳພາກລັດ ແລະ ພາກທຸລະກິດ, ເຮັດໃຫ້ທຸກພາກສ່ວນຮັບຮູ້ກ່ຽວກັບກິດຈະກຳຂອງພາກສ່ວນອື່ນໃນຂະແຫນງການທ່ອງທ່ຽວ ແລະ ກຳນົດຮູບແບບການຮ່ວມມື. ສ້າງກາລະໂອກາດໃຫ້ແກ່ພາກລັດ ແລະ ພາກທຸລະກິດ ໃນການເຂົ້າເຖິງການສະຫນັບສະຫນູນທາງດ້ານວິຊາການ ແລະ ງົບປະມານຈາກບັນດາໂຄງການ ແລະ ອົງການຈັດຕັ້ງສາກົນ.
ກອງປະຊຸມເຄືອຂ່າຍແມ່ນຈັດຂຶ້ນຢ່າງຫນ້ອຍ 2 ຄັ້ງຕໍ່ປີ ເພື່ອສ້າງ ແລະ ທົບທວນຄວາມຄືບຫນ້າການຈັດຕັັ້ງປະຕິບັດແຜນກິດຈະກຳພາກລັດ ແລະ ພາກທຸລະກິດ.
ເຄືອຂ່າຍພັດທະນາ, ສົ່ງເສີມ ແລະ ຄຸ້ມຄອງຈຸດຫມາຍປາຍທາງການທ່ອງທ່ຽວ ແມ່ນໄດ້ຮັບການສ້າງຕັ້ງຂຶ້ນທຳອິດໃນປີ 2015 ໂດຍກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ (ຖວທ), ຫລັງຈາກນັ້ນ ກໍໄດ້ຮັບການປັບປຸງໂຄງປະກອບ ອີງຕາມຂໍ້ຕົກລົງຂອງລັດຖະມົນຕີກະຊວງ ຖວທ, ເລກທີ…… ລົງວັນທີ……………
